屢傳婚變!Baby唔甘心被標籤「黃曉明老婆」

20191022
東網電視
更多新聞短片
Baby唔甘心大家只係記得佢呢面!
女星Angelababy(楊穎)同老公黃曉明結婚時婚禮非常盛大,儼如公主同王子咁,不過近年就屢傳婚變!最近Baby就參加咗由阿雅主持嘅綜藝節目,仲罕有吐心聲!
當佢哋去到一間餐廳食飯時,Baby被老闆娘認出,當問到對Baby印象時,老闆娘就話:「就是她老公很愛她這樣,但是現在有一些緋聞,我不知道是真是假。」而Baby就只尷尬苦笑回應,坦言:「我覺得沒把自己這一方面做得很好,讓別人知道我就覺得甚麼老公對我很好之類的。」被標籤「黃曉明老婆」,佢直言:「當然不會甘心,只被大家記得這些!」並透露曾經有朋友問佢最想做啲咩,佢就表示:「最想有一部作品可以讓大家記得!」仲好唏噓咁話邊個會在乎佢真實嘅樣子,觀眾只會被精彩嘅故事、突出嘅言論所吸引,自己平淡嘅生活冇人會想睇!
佢又大方分享愛情觀:「不管是男孩兒寵女孩兒、女孩兒寵男孩兒,其實兩個人給出來的關心和寵愛都是對等的,我一直覺得能在一起的兩個人,就跟兩塊拼圖一樣,能拼在一起,那就是對的。」
---------------
立即參加「賞您睇」: https://tinyurl.com/y2e6pmwk 
Click下面粒掣,儲on.cc coins!機票、家電、超市禮券、過萬份獎品等緊你。