5歲女被男同學追 大S老公勁霸氣:滅了你

2019年10月23日 12:53
東網電視
更多新聞短片
講笑啫?
台灣女星徐熙媛(大S)老公汪小菲錫到個女汪希玥(小玥兒)燶,尋晚佢喺微博晒出囡囡嘅照片,小玥兒着上連衣裙,紮住長長馬尾喺公園玩!不過今次汪小菲唔係要晒幸福,而係畀說話囡囡嘅男同學聽,佢留言:「台北就是為了陪家人,陪我的寶。不管怎麼樣,你老爸真是把這地兒混熟了,九年了,都是家裡(裏)的地方。只是不能瞎聊我閨女。不靠譜,滅了你。」
仲喺留言度話「滅了不靠譜的男同學」,有網民就問:「被男同學追了嗎?」汪小菲就答「有一個小男孩」,有人就大讚係霸氣爸爸,但亦有人覺得佢過敏,畢竟囡囡都係5歲,唔使咁惡話要「滅了你」嘅,「我還以為他女兒十幾歲了……」咁話,其實汪小菲可能係講吓笑啫,但佢已經將發文刪除了!
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你