移居馬來西亞　黃和興七位數搞珍珠奶茶店

前Zen樂隊主音黃和興與太太移居到馬來西亞已七個多月，近日於那邊的商場內開設珍珠奶茶店，投資了七位數字，他謂：「呢邊有啲朋友喺度，大家都鍾意做飲食，之後都會做埋美容生意。」他笑言去那邊都是搵兩餐，搵啖飯食，又謂：「呢邊壓力一定冇香港咁大，啲父母收工就湊仔放學，小朋友通常讀國際學校，功課唔多，放學就一家人過家庭生活，早睡早起，四點後啲人就唔做嘢，有啲過份啲嘅兩點後都唔做嘢，生活模式真係舒服好多，而且始終呢度物價只係香港嘅三分一，有平有貴，差唔多㗎喇！年紀大，為退休而打算。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。