娛樂圈冇真心朋友？賴慰玲話…

唔少人都話娛樂圈係大染缸，要識到知心朋友係難上加難，不過凡事總有例外嘅！今個月22號30歲生日嘅藝人陳瀅，連日嚟都獲唔少好友同佢慶生，呢日就輪到一班好姊妹同佢慶生，包括陳嘉寶、蔡思貝、何雁詩、吳嘉熙（Cheronna）同賴慰玲，幾個姊妹圍住壽星女，大家都笑得好開心，睇見都覺得佢哋好有愛呀！賴慰玲仲話：「早幾日有朋友問我娛樂圈嘅朋友係咪虛虛哋㗎？我話：我遇到嘅大部分都唔係尤其呢五個以愛相伴 ，互派動力。」一班網民都話佢哋嘅友情難能可貴，仲話見早前宣布分手嘅吳嘉熙，有一班好姊妹陪伴，大家都放心晒！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。