做完阿媽做姑媽！超盈預告小朋友讀埋同一班

賭王四房兒子何猷君榮升老竇，全家上下當然開心到暈，剛誕下女兒「荷包蛋」的家姐何超盈這兩天特別到醫院探望。今晚八時許，她與老公辛奇隆抵達醫院，超盈更爆了姪仔的花名「荷葉飯」，她說：「好開心呀，荷包蛋有個細佬（指表弟），佢尋日第一次見荷葉飯。（BB叫荷葉飯？）係呀。（做姑媽有咩感受？）第一次做，好似啱啱發生咁，兩個月前我先生咗BB，會同荷包蛋一齊湊，已經傾咗會食同一隻奶粉，會一齊讀書讀同一班。」

問到荷包蛋、荷葉飯出世時邊個重啲？超盈笑言：「荷葉飯冇荷包蛋咁重，但都好健康，尋日見佢眼仔睩睩，似猷君呀！（有冇同細佬分享湊小朋友經驗？）我都仲學緊，但都會同佢分享，我買衫都會買埋佢嗰份，好似自己BB咁。」

超盈指已跟傳統送了一隻男裝錶畀姪仔：「荷包蛋出世都有女裝錶，（荷包蛋改咗名未？）改咗，叫辛千覓，（邊個改？）老公改。」她女兒名字取字辛棄疾的詞：《永遇樂·京口北固亭懷古》第一句：「千古江山，英雄無覓」之後，兩人便跟傳媒講拜拜，然後步入醫院內。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。