吳雨霏一歲仔當牆係畫紙：我好冷靜...

啱啱生完囡囡、正享受過住「乳牛」生活嘅吳雨霏（Kary），都不忘分身照顧一歲大嘅囝囝Asher，日前Kary喺IG限時動態分享咗一件生活趣事，見張相影住一幅白色嘅牆，牆上面有幾條不知明嘅紅色痕，Kary留言話︰「When you have a toddler with crayons at home.（當你屋企有一個初學行路嘅BB拎住蠟筆）」額外再加個火山爆發咁嘅表情符號，相信呢位抽象派「畫家」正正係Asher，估唔到佢依家開始學行，簡直時光飛逝！正所謂一不離二、二不離三，Asher留低嘅「痕迹」又點止得幅牆咁少吖！Kary之後分別再分享咗張枱面同木地板嘅相，巧合地都係有紅色蠟筆嘅痕迹，搞到佢都不禁同自己講︰「我好冷靜...」認真爆笑！相信Kary都唔會忍心鬧Asher嘅，但唔知幾時可以見到Asher嘅得意全相呢？有好多Fans都好期待！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。