阮頌揚扮女人被ban！花姐睇到噴晒血

近日參選咗選秀節目《全民造星II》嘅藝人阮頌揚（Brian），早前佢喺第一輪比賽因緊張表現失準要入復活區，不過最後佢亦被評判揀番再度「復活」。日前第二輪比賽出街，原來最初Brian構思做一個大膽演出，一圓舞台夢，但最終受到監製花姐嘅狠批，令佢臨時變陣：「本身想演一個做戲加跳舞嘅表演，當中我諗住做一個書呆子同扮女人，自己有買埋假髮同衫，但花姐睇到噴血，叫我轉表演，咁自己考慮咗一晚，最後都決定轉表演，用唱歌代替，但係得兩日時間練習。」

Brian又指自己唱歌唔係特別好，最終又再被選入復活區，但佢都冇氣餒：「自己知道不足嘅地方，希望將勤補拙，同埋自己都盡咗力，無愧於心。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。