洛杉磯遇同窗　張明偉重拾自信

演員張明偉憑無綫處境劇《愛．回家之開心速遞》George一角成功入屋，劇中演學霸的他現實中也是高材生，畢業於頂尖學府美國加州大學洛杉磯分校（UCLA）。

早前他飛抵洛杉磯重返母校，並重遇舊同學，無數回憶浮現眼前，他說：「我哋以前好好朋友，但畢業後就冇聯絡，撞番都好開心！冇搵大家咁多年，原來佢同老婆都好留意我喺香港嘅工作，我拍過嘅劇、樂隊出嘅每一首歌佢都知，令我好感動！」

今次久違相聚，令其心態有所轉變：「以前覺得自己唔夠紅，好介意人哋點睇我，自尊心作祟，但其實同學唔會咁諗我。下次有機會的話，我一定會主動搵番舊朋友！」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。