張兆輝要求加開謝票場　反應熱烈全售罄

演員張兆輝、張家輝、王浩信前日到廣州出席電影《催眠‧裁決》見面會及謝票，三位型男大受影迷歡迎，現場迫得水洩不通。今次張兆輝飾演一個亦正亦邪的老差骨，他表示：「其實呢個鄧sir係一個好聰明，好鍾意接受挑戰，因為家輝喺戲內係一個催眠師，所以以為可以控制他，幫他做事，結果呢……要去戲院睇喇！（最難忘係邊場戲？）有一場自己坐喺架車入面同自己做戲，嗰場獨腳戲有啲難度，角色最後做到被催眠後嘅混亂狀態都好難。」

獲粉絲送咖啡

當晚電影公司安排見面會後有謝票場，一向錫粉絲的張兆輝為免令粉絲們失望，隨即向宣傳方提出加開一場謝票，當晚加開那場謝票場亦告售罄，有馬來西亞粉絲知道偶像喜歡飲咖啡，當晚更買了一大袋咖啡送贈品嘗。

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。