非洲拍外景　蜜桃胸陳庭欣唔敢低胸出街

無綫藝員陳庭欣、區永權、黎芷珊在將軍澳電視城出席節目《二億人的世界》記者會，三人分別到葡語系國家莫桑比克、葡萄牙、東帝汶拍攝節目。陳庭欣與中醫師同行到當地探訪醫療設施，並教授當地人中醫，陳庭欣笑謂有給當地醫師把脈，被指邪風入體，需要調理。陳庭欣首次到非洲莫桑比克拍攝節目，事前打了三支預防針做足安全措施，由於當地治安麻麻，更不能穿短褲及低胸衫外出，全程穿長褲，她說：「嗰邊都有蚊患，同埋伊波拉病毒問題，所以都有啲驚。」

陳庭欣指攝製隊一行六人，卻有六個保鏢荷槍實彈貼身保護，出外除了行程保密，保鏢駕車出行亦以高速行駛，氣氛緊張，陳庭欣更聽聞有電視台在酒店外遇襲。問到男友可擔心？陳庭欣笑說：「佢又冇乜嘢喎，公司都好保護我哋嘅，搵咗咁多保鑣。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。