誤爆阿仔個名!馮紹峰驚到打畀趙麗穎自首

2019年10月30日 13:01
東網電視
更多新聞短片
只係小名啫!希望趙麗穎冇嬲豬啦!
內地藝人馮紹峰同趙麗穎今年3月喜獲麟兒,雖然係喜事,但因為兩公婆相當低調,所以好少同大家分享個仔嘅事。不過馮紹峰近日就喺內地節目《奇遇人生》入面,唔小心令阿仔個名曝光!佢喺節目入面要親手整個麥田圈,被問到想喺麥田圈上寫啲咩嗰陣,馮紹峰就漏口風話:「就想想唄!我兒子的小名就叫想想。」當佢發現自己唔小心爆咗阿仔個名之後,仲驚到即刻打畀老婆「自首」:「後來還膽戰心驚,回來我還問了問,給我老婆打個電話,我說能說嗎?我說『我說了。』」認真搞笑!
此外,馮紹峰憶述阿仔出世時佢勁緊張,當護士一抱囝囝出嚟,佢第一件事竟然係拎手機出嚟影相先!佢話:「特別怕他們搞錯!我一定要拍下來,這個是我兒子!回頭我可以對比一下。」事後佢先發現係自己過分擔心,又指依家有咩唔開心,只要見到個仔就會有好心情,完全係有仔萬事足!馮紹峰仲自爆有時會問趙麗穎:「你到底是真的喜歡我呢,還是為了要談戀愛,為了要結婚才跟我在一起?」直言擔心太太係到咗想結婚嘅階段,又咁啱遇到佢,所以先揀咗自己。其實使乜深究呀,對的時間遇到對的人,咪就係幸福囉!
---------------
立即參加「賞您睇」: https://tinyurl.com/y2e6pmwk
Click下面粒掣,儲on.cc coins!機票、家電、超市禮券、過萬份獎品等緊你。