唔會喊！梁釗峰孖C AllStar「結婚」十周年

歌手梁釗峰出席保險業慈善籃球賽活動，他透露今年是C AllStar出道十周年，過幾天與粉絲有個聚會，食中菜似足擺酒，講笑是慶祝結婚十周年，他說4人沒有各散東西，一定齊人出席，他說：「Fans問定我哋十年回憶、着過嘅衫和出騷相，應該想畀驚喜我哋。（想搞喊你哋？）我哋依家冇咁易喊，Fans真係好有心思，所以我哋四個都各自準備一份禮物送畀fans，我會送好耐之前去重慶天梯着過嗰件衫。（有冇洗？）有，聞過好乾淨，或者到時即着有番男人味。」希望與粉絲好好食餐飯。

提到打籃球技術，他坦言好難打得叻，入不到籃底，經常射三分位，或做後備。他說：「自己都有隊波，柴娃娃打，不過唔勁。（有冇贏過獎？）多數輸，因為太鍚身，今日為慈善唔鍚身。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。