終於Pass！「朱凌凌」夢想成真做鐵騎士

憑處境劇《愛．回家之開心速遞》「朱凌凌」一角入屋嘅藝人吳偉豪（Ricco），原來佢一直都有個電單車夢，不過可惜去年因路試肥佬令佢信心受挫。早前佢預告捲土重來再次報考：「我有個夢想，希望獲得電單車執照...但夢想破滅了...去年考試失敗...現在我又回來了...這次我會得到嗎？」

考牌前夕，佢不斷上堂練習作最後衝刺，心情仲十分緊張。尋日佢終於喺社交網報喜：「我得咗啦！好彩唔使考第三次先搞得掂。」好多網民紛紛留言恭喜佢，一班「愛回家」演員包括呂慧儀、湯盈盈等都大讚佢叻仔！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。