老公又闖禍？張致恒老婆：冇可能再返轉頭

藝人張致恒（Steven）嘅桃色風波相信已告一段落，同粉絲雯雯修成正果生仔結婚！兩公婆仲不時喺社交網大晒幸福，上載囝囝張天寶生活照，不過尋晚雯雯就一反常態有感而發，似乎有啲心事，上載一張黑色底配文字「有啲野（嘢）如果失望左（咗）就冇可能再彌補到　亦冇可能再返轉頭」，唔通又關老公事？？

到咗今日晏晝，雯雯就喺社交網上載同Steven咬面合照，澄清佢哋感情冇問題：「收到好多認識同唔認識既人inbox同msg我...多謝大家關心！其實我尋日story只係聽完朋友分享佢故事，之後有感而發所以打出黎（嚟）。我同我老公感情冇問題我哋好好，佢宜（依）家好努力為家庭而去改變，佢好努力唔同方面嘅工作，亦每日除咗工作就係照顧小朋友，我身體唔好佢工作完 凌晨都係佢照顧bb，我喺度只係想講唔係一個人衰過就永遠都係衰既（嘅）！人係會改變既（嘅）。希望下次我開post...大家到時會係替我開心同祝福我嘅msg?再一次感謝大家對我的關心」

唔諗拎綜緩

Steven回覆東網話：「唉！做咗呢行都預咗，係幾無奈㗎，佢只係喺私人平台抒發心情啫，呢個世界係咁㗎啦，最緊要自己清楚點樣去做。」Steven坦言無論點澄清，總會有人誤會：「惟有自己再做好啲啦，為咗個仔同老婆點都要捱落去。」雯雯表示自己身體不適，Steven話：「唔講啦。（你經濟OK？）OK，依家個個都辛苦，唔單只係我。」佢除咗喺酒店做散工，佢透露度緊一啲工作：「我都係想做番呢行嘅嘢。（幕後工作？）係囉，類似，我有去見吓工，但未有回音。」面對經濟惡劣時，問到有冇諗過申請綜緩？佢反應好大話：「唔使，有手有腳唔需要，我會靠自己努力去做。」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你