出埠拎老人獎　薛家燕：差唔多呢啲年紀

藝人薛家燕錄影節目《娛樂大家》。他透露主持汪明荃（阿姐）早於3個月前已提出邀約，但自己一直忙，直至今晚終可兌現承諾：「我驚自己唔識玩遊戲，所以尋晚睇電視惡補，我個女見到，叫我早啲瞓。」

談到工作安排，她表示暫未打算再主持節目，稍後將飛往星馬拍廣告及領獎。她笑謂：「我哋呢啲年紀都係拎嗰啲獎（暗指老人獎）啦，不過我五十幾歲嘅時候，外國有頒獎禮想頒終身成就獎畀我，好似叫我退休一樣，所以我推咗，結果大會轉咗個獎名，再頒獎畀我。」

記者打趣星馬行會否順道招婿？她笑答：「異地戀我個女得㗎！我有叫個女出嚟食飯，佢成日話唔得閒，本嚟諗住如果身邊朋友嘅仔仔啱咪介紹吓囉。（係咪佢有對象？）又唔見佢有約人喎。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。