李靖筠搵超級男神拍MV　到底係邊個？

歌手李靖筠到電台宣傳，透露即推出首支情歌《第千次重逢》，並計劃年尾出首張EP，剛錄好第四首歌，笑言到時不會迫朋友買碟。她又表示很少出情歌，但此曲很浪漫，所以詞人覺得要寫情歌。她又透露想邀請同門師兄陳家樂擔任MV男主角，坦言兩人有默契：「因為之前同佢拍咗套戲，我哋就係戲入面嘅男女主角，我都有輕輕問過佢肯唔肯幫我拍MV，覺得佢幾適合，但佢話驚大家會唔會睇到厭，所以要睇佢肯唔肯。」

而講到取消今年《十大中文金曲頒獎典禮》，問到可會少個機會攞新人獎？她表示：「唔會，尊重大會決定。」問到對其他頒獎禮可有信心？她坦言：「冇乜特別心情，因為冇期望就冇失望，而且今年嘅新人我都好欣賞，邊個攞獎我都咁開心，同埋我寧願大家鍾意我嘅歌，多過獎嘅肯定。」

--------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。