「細龍太」陳偉琪醉駕半個月終於抬起頭做人

喺呢個風雨飄搖嘅時代，唔係人人都可以堂堂正正抬起頭做人！「細龍太」陳偉琪上個月尾因為醉駕被捕，搞到佢要頭耷耷，喊晒出嚟道歉，見到佢個樣咁真誠，真係令人有啲聳動嘅！

人係要向前看，事隔半個月，陳偉琪終於抬起頭做人，仲喺社交網擺咗張着住低胸小背心仰天長望嘅相自我勉勵咁話：「Better days are coming，一切都會更好的。」真係同經典電影《亂世佳人》經典對白「Tomorrow is another day！」有異曲同工之妙，冇錯，明天就係新嘅一日，香港人，大家向前望，行到山窮處，坐看雲起時嘛！

原來抬起頭又唔只陳偉琪一個，仲有湯洛雯！靚湯都有感而發甫咗張抬頭相，佢仲引用咗哥哥張國榮嘅《追》入面歌詞：「好風光 似幻似虛 誰明人生樂趣！」係有詩意嘅！

--------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。