地獄黑仔王！張振朗台慶綵排被錄影機擊中

無綫藝人張振朗黑運未除！號稱「地獄黑仔王」的他除主演劇集經常被推遲播放外，兩年前的平安夜他於屯門被商場天台飛落街的大型帳篷擊傷腰及膝蓋，休養好一段日子才告痊愈，而日前他為今年無綫台慶綵排亦飛來橫禍，被吊臂錄影機擊傷臂膊，一度要入院進行治療。

無綫助理總經理（非戲劇製作）余詠珊回應記者查詢表示：「尋日綵排時錄影機跌咗落嚟，傷到佢左膊，現場嘅人都好驚，忙住查問佢傷勢，雖然睇嚟冇乜事，但都叫佢去醫院驗查，醫生證實佢啲骨冇嘢，但叮囑如果覺得有問題就返去再照吓。（有傳佢表演嗰part錄影？）唔係，係現場直播嘅。」

張振朗透過電話回覆表示傷勢沒有大礙：「多謝關心！冇撼到頭，係撞到膊頭嘅位，休息下就OK，點都要做埋個Show！（傷勢痛唔痛？）痛呀！所以要食止痛藥，好彩照過冇裂骨，但之後都會再照清楚，睇下軟骨同煙韌帶有冇受傷，因為之前啲舊患都未好番晒。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。