屙足7日嚴重脫水！何雁詩入院種菌

歌手何雁詩日前透露感冒菌入腸胃，屙到七彩的她形容離唔開屋企個廁所，阿詩在ig story自爆入過院，她感激男友鄭俊弘通宵在醫院陪伴她。

阿詩回覆東網說：「我本身屙咗7日，諗住去急診攞啲藥，不過醫生話我屙咗咁耐同埋非常脫水，建議我入院吊鹽水同驗下。（係咪食錯嘢？）我都唔知食錯乜，不過依家好番好多啦。」

她表示醫生指她屙咗咁多日係好唔正常，因為她食緊藥，應該屙兩、三日就停，而且見她有脫水情況，就建議她入院吊一晚鹽水，幫她驗血及大小便，她說：「依家好番好多，雖然仲屙緊，但同之前差好遠，之前一日屙十次。（報告出咗未？）種到有啲菌，但冇嘢嘅，食藥係可以，好彩吊咗鹽水，補充番啲水份，又有番啲電解質，因為之前我食唔到嘢，所以令大家好擔心，依家好好多。」

---------------

立即參加「賞您睇」：　https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。