林穎彤舊愛容天佑旺角撞車Chok親條頸

藝人林穎彤舊愛藝人容天佑今日駕車途經旺角一個十字路口時，發生3車串燒車禍。今日（21日）下午4時許，容天佑駕駛的私家車，與一輛白色私家車相撞，尾隨容天佑而至的七人車，懷疑收掣不及撞到私家車車尾，繼而剷上行人路，撞到交通燈柱停下，險撞及途人。

容天佑座駕左邊車頭及左邊車身損毁，車呔爆裂，安全氣袋彈出，他被送往醫院治療，頸部及腹部作痛，他回覆東網時說：「頸同埋個肚可能畀安全帶Chok親，條頸依家唔係好郁到，個肚陰陰痛，頭先撞車嗰吓，因為衝力好大，個腦空白咗，唔知發生乜事，有啲頭暈，淨係聽到途人叫我快啲落車，我落車時都腳軟，差啲成個人跪低，好彩唔係撞司機位，如果唔係都聽唔到你電話。」

醫生處方了止痛藥和藥膏給他，並要戴上頸兜，容天佑坦言好擔心今晚要開工：「今晚要開《逆天奇案》，我唔想影響劇組，希望可以拍到。」

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。