收起性感露玄機　情色女王壇蜜閃嫁漫畫家

現年38歲的性感艷星壇蜜突然喺社交網宣布喜事，與39歲漫畫家清野通拉埋天窗！2017年在節目《櫻井．有吉ＴＨＥ夜會》安排下，壇蜜與清水通奉旨拍拖，同年出世嘅佢哋好啱傾，好快就開始秘戀生活，佢哋經過心思熟慮揀今日提交婚姻登記！

壇蜜寫咗封親筆信同粉絲講，話佢哋今年年初有呢個結婚念頭，男友並冇特別嘅求婚方式，而講到男友最吸引佢嘅地方，係有啲情況下男友好似佢老竇，而揀11月22日結婚係因為日子易記。而清野通在社交網上載他與壇蜜的夫婦合照，但分別用自己的漫畫肖象遮住自己的臉。

一向鍾意展露天賦本錢嘅壇蜜，每年嘅月曆都會盡Sell性感，但係新推出嘅月曆一反常態，以超密實造型賣藝術Feel，原來呢個改變係為結婚鋪路！

---------------

立即參加「賞您睇」： https://tinyurl.com/y2e6pmwk

Click下面粒掣，儲on.cc coins！機票、家電、超市禮券、過萬份獎品等緊你。