西裝當Gym衫！張馨月食碟頭飯慳住做待嫁新娘

藝人林峯原定於本月8日、40歲生日當天與內地模特兒女友張馨月拉埋天窗，但因社會動盪，決定將婚禮改期。準新娘張馨月為以最佳狀態示人，近月積極做運動保持苗條身段，呢日佢喺社交網上載做gym相，留言「never give up」鼓勵自己。相中張馨月對鏡大擺甫士影相，呢張典型網紅照引來唔少粉絲讚好，不過有網友就將焦點放咗喺佢個做gym look度，話第一次見人着西裝褸做gym，唔通呢個就係佢嘅瘦身秘方？

雖然張馨月快將嫁畀有「廈門李嘉誠」之稱嘅林峯，但係佢相當貼地，唔係出入五星級酒店用膳，反而幫襯茶餐廳，仲要食碟頭飯，相信一般港女都唔會鍾意食...喂，林峯！張馨月真係娶得過呀！