等咗10年！羅浩銘終於可以同袁和平合作

著名武指袁和平（八爺）為電影《葉問4：完結篇》擔任動作導演，該片早前有一場陳國坤與外國演員對打的戲份，並找了動作演員羅浩銘幫手做幕後，能跟殿堂級的八爺合作，羅浩銘當然非常開心，並指早年「差啲啲」就可以跟對方合作：「早年我喺外國返嚟香港，咁啱佢執導嘅《蘇乞兒》搵人試鏡，我去咗仲差啲就簽埋約，不過，最後用咗其他演員，諗住希望之後再有機會合作，點知一等就10年，有晚，佢副手問我得唔得閒幫手做幾日，我價錢都冇問第一時間應承。」

終於能跟袁和平合作，羅浩銘直言初初都會好緊張：「見到八爺真係太緊張喇，初初表現都有啲唔係咁好，打啲位唔係好準。但佢好好人、好好脾氣，冇鬧過我。佢度招喜歡親力親為自己落手落腳，速度仲好快。整個拍攝過程好順利，好開心！」