一次六條！李施嬅晒事業線引海豚

藝人李施嬅（Selena）啱啱就同「胡說八道會」一班好姊妹去完馬爾代夫玩，雖然返咗香港，不過佢好似好回味成個旅程，佢喺社交網再次Po出未曝光片段，原來成班好姊妹除咗喺酒店玩之外仲搞咗船P，Selena 擺出經典電影《鐵達尼號》喺船頭必做Pose，張相淨係見到背脊，着住外套以為好密實，點知佢一轉身，件泳衣係低胸設計露出事業線騷Quali，Selena留言話好有運可以喺旅程中見到海豚，仲係一次有六條添！唔知會唔會係佢條事業線夠搶眼，所以引到六條海豚一齊跳出海面畀佢拍片呢？