吳若希啜爆賀46歲生日　森美驚到乸埋口面

電台DJ森美星期二（3日）就迎嚟佢嘅46歲生日，咁啱尋日就係第三輯《森美旅行團》最後一集播出街，成班台前幕後去咗慶功，順勢就幫森美慶生，買晒蛋糕又剩咁，都真係幾開心㗎～當中同師妹菊梓喬傳不和嘅吳若希、丁子朗同麥美恩梗係有出席，仲為森美獻上深情肉嘴啜爆，可惜森美就驚到乸埋口面，個樣仲藐爆，真係難為晒大家。

而森美都好識做，喺社交網補鑊話自己個樣係扮出嚟嘅啫，其實好Enjoy大家嘅心意：「我個樣係扮出嚟嘅　其實係好享受　係囉係囉　係咁講囉」心情靚靚嘅吳若希一於少理傳聞，上載另一個角度嘅「咀嘴相」，丁子朗同麥美恩亦有轉發，為森美大哥送上至Warm嘅祝福，So Sweet～