想做周柏豪囡囡契媽 連詩雅唔好意思開口

20191207
東網電視
更多新聞短片
連詩雅話已經當咗周柏豪個女係姨甥女。
歌手連詩雅(Shiga)、吳浩康、菊梓喬、陳曉華、郭子豪、楊柳青和天堂鳥等到電視城出席《善心滿東華2019》拜神,Shiga獻唱新歌《說分手》,她表示已連續幾年為籌款節目表演,覺得很有意義。
一早知情幫手保密
講到好友周柏豪秘密做爸爸,她表示自己一早知情,但有幫手守秘密:「佢當我朋友先同我講,我都冇講出去,我已經恭喜咗佢,BB女好得意,最緊要健康,我好似自己生咁,係咁問幾時預產期。(你送咗咩賀禮?)送咗補品畀阿嫂,BB就未,等100日再送。(BB似邊個?)嘴仔似柏豪,但BB成日變樣,總之非常得意,未見過有新出世BB咁多頭髮,希望呢個小公主健康。(會唔會上契?)應該好多朋友會,我唔好意思開口,都係一個儀式啫!我都當佢係姨甥女咁。」