鬼殺咁嘈　吳業坤姜麗文回味咀嘴似睇鬼片

歌手吳業坤和姜麗文（Lesley）之前喺無綫劇《街坊財爺》入面有激咀戲，雖然劇已經播完一段日子，但坤坤唔知係咪對咀嘴呢個畫面好回味，見佢喺IG約埋Lesley一齊重溫呢個甜蜜畫面，最搞笑是鏡頭右下角播住咀嘴條片，大畫面就睇住佢哋兩個人嘅反應，未咀前Lesley已經雙手抱頭兼連番講「Oh my god～ Oh my god」跟住仲雙手護胸說：「好驚，好驚！」而坤坤都手托下巴，當見到「咀嘴」一刻，坤坤都忍唔住狂嗌，搞到Lesley都嗌埋一份，兩個人驚訝、尷尬、搞笑嘅表情，比起呢幕Kiss更有可觀性，最抵死是坤坤還留言寫道：「我嘅第一個車輪就畀咗佢，快啲安慰我。」有網民留言：「請問你們是看鬼片嗎？」。

事後問到坤坤為何會相約回味呢一幕？他謂：「我哋本來係約定一齊睇大結局嘅，但大結局果日我唔喺香港，佢又忙，所以，忍住唔睇呢一幕，將佢錄抵咗然後一齊睇，睇我哋最真實嘅反應，就拍咗呢條片放上網。」