「鐵面陳」晒結婚相　新娘子唔係Rebecca

藝人王致狄（Andy）憑處境劇《愛．回家之開心速遞》「鐵面陳」一角人氣急升，不但帶挈有登台機會，最近更獲睇中，有幸孖住前華姐冠軍余思霆拍攝婚宴廣告，Andy坦言多謝劇集令更多客戶及觀眾認識佢，又指首次與女神級的余思霆合作相當緊張：「今次係我第一次拍婚宴廣告，亦係第一次同思霆合作，所以當導演要求一啲親近啲嘅鏡頭時，我都有少少尷尬，導演仲話我初頭拍得係有小小生硬，不過今次都合作得好開心同順利，仲比預期早咗收工添。」至於講到廣告出街後，唔少網民指點解「新娘子」唔係CP檔嘅「Rebecca」沈可欣，佢就表示希望將來有機會與對方拍住上「搵真銀」。