凍冰冰晒腿又露肩　譚杏藍被問候一句KO網民

強烈季候風襲港，但譚杏藍（小花）就好似愈凍愈勇，簡直係逆天而行！事關佢IG入面啲相好似仲未完全「換季」，大派冰淇淋，就咁綁住浴袍上陣，大晒白雪雪長腿同單邊香肩，睇見都真係㷫烚烚！再配埋佢個高姿態兼懶洋洋嘅樣同留言「無（冇）～我平時伸懶腰就係咁樣」，認真抵死又爆笑！

張靚相一出就即刻引嚟唔少網民過嚟「取暖」，例如有︰「花式伸懶腰」、「性感尤物」、「點解咁索」、「凍阿女」、「好Sexy」等等，其中有唔少網民都有同一個疑惑「Post之前問準過男友恆仔未？」有所準備嘅小花當然唔會因此而嚇窒，秒速KO網民「佢揀㗎」，可能呢張性感照正正係出至恆仔之手呢！