「拉丁王子」送水輝大小姐共舞　網民笑有啲姣

無綫處境劇《愛．回家之開心速遞》叫好叫座，大受觀眾歡迎，明年1月4日起《愛》就會一星期播足七日，除了劇情輕鬆吸引外，製作認真，一班演員演出時絕不馬虎，而入面螢幕情侶中許家傑飾演嘅「送水輝」與「大小姐」林淑敏成功入屋，唔少網民都好期待佢哋出現！

今日許家傑就喺社交網上載咗幾張同大小姐綵排拉丁舞照片，見許家傑穿上貼身舞衣，同大小姐一齊擺Pose有板有眼，佢留言預告：「聽日有久違了的拉丁舞。」網民即刻留言封佢做「有啲姣」拉丁王子，仲話要早啲放工返屋企早啲捧佢哋場！