涉打架被捕 周永恒澄清:我唔係跪警察

2019年12月11日 01:42
東網電視
更多新聞短片
Roy強調自己畀人打冇還手,係真正嘅「受害者」。
涉嫌在公眾地方打架被捕的周永恒(Roy)於警署逗留約24小時後,在父親保釋下,剛剛離開尖沙咀警署,他接受東網訪問時,聲稱自己是「受害者」:「我唔係同人打交,我係畀人打,我都唔知點解成日出街都畀人打,(有冇還手自衞?)冇,佢(涉案姓李男子)話佢嘴傷咗,但佢又冇去驗傷喎,我就去咗醫院喇,因為我個頭有個瘤,個頭唔可以受撞擊,我會死㗎,好彩照完X光,醫生檢查完,個瘤冇事,之後坐白車返差館接受調查,因為我冇請律師,先至喺差館逗留咁耐啫。」
Roy又聲稱便利店的CCTV可以證明自己「清白」:「係我被人打完,自己報警㗎,睇番閉路電視就知咩事。」至於為何向警察下跪?他又聲稱:「唔係呀,係我想保護自己,影返差佬問我嘢嘅過程,我係放低個電話喺地下度,我手機影到佢哋啲腳,我都有大聲叫其他人幫我拍低當時嘅情況㗎。」問太太是否很擔心?他說太太返了廣州,但已通知太太事發經過,又說自己不是圈中人,所以不想講太多,並稱囝囝好得意,自己不會胡作非為。於凌晨時段,Roy更新社交網並晒出太太與兒子的照片,似有意報平安。