儲近千隻Monchhichi　王友良收藏量多過展覽

藝人Ivan（王友良）一直熱衷日本動漫卡通人物，而他又是出名的Monchhichi忠實粉絲，最近Monchhichi 45周年展覽成功由他爭取舉辦，在公在私都極開心。Ivan自爆出生時收到一隻由外公送贈的Monchhichi，自小就開始收集，加上肖猴的關係，令他更加鍾意，Ivan說：「統計自己從小到大已累積近千款收藏，每次有新產品推出我都會入貨，創辦人話我嘅收藏數量比佢哋展示廳嘅仲多，所以建議我可考慮申請成為健力士嘅Monchhichi收藏者。」

Ivan說45周年Monchhichi革新了形象變得更可愛，展覽由構思概念到模型設計，都親自到模型廠監察進度並給予意見。Ivan說：「因適逢聖誕，想搞一場華麗派對，所以特別安排Monchhichi喺香港坐豪華郵輪出海慶祝，呢個係香港獨有嘅主題，佢仲會化身船長、門僮同高貴旅客多個唔同造型，有一對會企喺船頭營造You Jump I Jump嘅浪漫感覺。」