13歲魔童談戀愛？袁詠儀：對方係男仔

藝人張智霖與袁詠儀嘅兒子張慕童（魔童）眨吓眼已經13歲，早前有指魔童情竇初開，與一名長髮女生糖黐豆，不過為免令大家誤會，魔童喺社交網發文表示自己冇拍拖，仲揭嗰名「長髮女生」原來係男兒身！魔童仲叫媽咪袁詠儀幫手澄清，呢則都算係年度最搞笑嘅笑料！

不過，魔童身邊的確不乏唔少女性朋友，之前上載過幾個女生嘅相片，即引來網友問「女朋友們？」，咁又難怪嘅，魔童遺傳父母優良基因，大個分分鐘靚仔過張智霖！