懶理楊冪新戀情！劉愷威弗爆賀洪永城生日

內地女星楊冪與劉愷威離婚一年，近日楊冪傳出同內地男星魏大勛「姊弟戀」昇華，疑似酒店密會成為焦點。楊冪有新戀情，而劉愷威工作室亦喺社交網留言：「回歸生活，回歸本心。」暗示已經放下，重新生活。

雖然劉愷威感情生活暫時冇着落，但朋友多嘅佢不愁寂寞，今日林夏薇喺社交網透露同劉愷威、洪永城以及黃翠如等人飯敍相，似乎係為呢個月生日嘅洪永城慶祝，相中見劉愷威狀態唔錯，仲Chok爆影相，真係好型仔，而林夏薇亦祝福大家要美好：「因為笑而幸福～希望大家都一直美好下去#友誼需要緣分和經營」