《東張》黃愷怡嫁機師男友　姊妹團超吸睛

無綫節目《東張西望》外景主持的黃愷怡（Jasmin）與初戀機師男友Billy舉行婚禮，早前Jasmin喺社交網上載咗結婚相，之後一直忙籌備婚禮事宜，呢日一班好姊妹同佢搞咗個婚前單身派對，成班女仔約好清一色白色服裝影靚相，當中就有曾與Jasmin一同為兒童節目《THINK BIG天地》做主持嘅李雯希，Jasmin坐喺中間，低胸Tube top露事業線，十分養眼。場內有花、氣球及蛋糕，十分熱鬧，Jasmin仲笑言：「MEET THE BACHELORETTES」，啲相咁靚肯定吸引到好多男仔。

而今日出嫁嘅Jasmin，朝早就已經跟足傳統裙褂上陣向長輩跪地斟茶，並戴上數對龍鳳鈪，做完早上儀式後，佢就與機師老公Billy手拖手情深對望步出酒店，Sweet到爆，而一班索爆姊妹團亦繼續靚靚傍實，仲揈晒裙仔咁影相添！