欣宜託汪明荃幫老竇開IG　秋官竟然咁答！

藝人汪明荃（Liza姐）早前玩Instagram（ig）創出「汪阿Tag」掀起一股熱潮，玩ig玩到出神入化！最近佢就與老拍檔鄭少秋（秋官）齊齊到雲頂登台，Liza姐於ig上載合照，秋官穿着風褸配頸巾，與紅色打扮及拿住一盆聖誕花嘅Liza姐並肩合照，甚有氣氛。

不過最有趣嘅係秋官女兒鄭欣宜竟然留言「Liza姐快啲教我爸開ig啦」，反應非常快嘅Liza姐即回覆欣宜：「你爸說：Don't make me trouble！（唔好令我麻煩）」非常搞笑，不過唔少秋官粉絲都留言希望佢開個帳戶呀！