顏總藍飛「破冰」！于淼自爆係楊千嬅粉絲

藝人于淼喺熱播劇《多功能老婆》飾演霸氣女總裁「顏成功」，出招拆散咗「藍飛」楊千嬅同「尚劍雄」黃浩然頭家，被網友稱為「最強小三」！喺戲內楊千嬅同于淼都憎到大家入骨，二人水火不容，但係現實中，于淼原來都係楊千嬅嘅粉絲，佢呢日分享二人合照，見到楊千嬅仲搭實于淼膊頭笑得好開心，于淼留言：「現實中小粉絲一枚?」網友都話好羨慕，仲搞笑話估唔到顏總同藍飛「破冰」做到朋友。