不和？糖妹喪Cap樣衰照醜化黃美棋鄺潔楹

歌手糖妹（黃山怡）與黃美棋、鄺潔楹因拍攝無綫節目《香港美食一條街》而成為好友，而呢個節目播出街後都深受觀眾喜歡，唔少網民都話好羨慕佢哋可以歎咁多美食添！呢日糖妹喺網上晒出同兩位拍檔合照，留言話：「今晚倒數第二集，唔捨得我哋哋…咁嘈哩，今集介紹灣仔，我哋其實已經拍晒㗎喇，我驚我會掛住佢哋，所以我會一路睇一路cap佢哋啲衰樣。」拍得咁有火花，難怪唔少粉絲都話好期待佢哋再有合作添！