熱愛狼人殺！余德丞赴台偷師化身小粉絲

無綫節目《娛樂大家》中嘅「狼人殺宮廷版」掀起熱潮備受討論，其中余德丞（Dickson）更被網民視為高手，獲封「港版狼人殺偶像」。其實Dickson私底下亦非常熱愛呢款遊戲，實力已被肯定嘅佢亦精益求精，遠赴台灣狼人殺節目嘅錄影現場偷師，更化身小粉絲，與同樣因遊戲爆紅嘅台灣創作鬼才陳零九以及新加坡創作歌手邱鋒澤集郵合照，仲拎埋親筆簽名，「追星」成功！佢將合照放上社交網同大家開心Share，圈中好友何雁詩、羅天宇都直呼意想不到，而佢亦留言大讚偶像陳零九：「現場見證09真的很神。」