《造星II》Hugo自創歌曲為參賽者打氣

《全民造星II》當中的參賽者丘凱雄（Hugo）在最後一戰中，他率領4位落選的戰友Angus、Heartgrey、繼文、Jerry在台上一齊Rap自己創作的歌曲《山下見》，講到歌詞中可有特別意思？Hugo表示：「都係奉獻畀呢個比賽嘅參賽者，支持我哋嘅人。」他亦補充說：「我當初創作呢首歌，係因為每次比賽完都覺得好攰， 我希望每個人返到屋企都可以有首歌，聽完係可以懷住希望再行之後嘅路，所以作呢首歌。希望聽眾聽完之後可以懷住意念，去做佢哋覺得應該做嘅事。」Hugo表示只要有人喜歡呢首歌就係一件開心事。