病足一個禮拜！連詩雅好番即落街放狗晒腿

歌手連詩雅（Shiga）向來係貪靚之人，幾時都會好好打扮自己以最佳狀態示人，好似年前就試過病咗照堅持化濃妝而被網民熱議。病咗一個禮拜嘅佢呢日「重施故技」，見病情有好轉就執靚自己，拖住愛犬Pinky落街散步呼吸新鮮空氣，並將多張街拍靚相上載至社交網。相中見佢以迷你裙配黑絲上陣，大晒長腿兼玩透視誘惑，相當煞食！佢不時抱起愛犬，又嘟嘴托腮賣萌，似乎精神不錯。佢亦留言指見精神好轉，故扮吓靚氹自己開心：「終於有啲精神咪打扮吓囉，打扮都係畀自己睇啫，有時自我感覺良好都好重要。」