孖許瑋甯組女團！林心如去大學變裝P竟扮佢

台灣女星林心如早前重返校園，到世新大學修讀碩士課程，讀書之餘，佢都好積極參與校園活動，例如日前嘅聖誕變裝派對佢都有出席，仲同啲同學一齊扮成日本動畫電影《千與千尋》入面嘅無臉男！佢搞笑自爆：「我們很用心的偷懶！」又指呢個係一年一度學校最重視嘅派對，仲表示戴住個面具都幾難呼吸。此外，佢又晒出同幾位同學嘅Chok甫合照，搞笑話：「資深女團BlackBlack???」當中仲驚現同樣係藝人嘅許瑋甯，粉絲都話依家先知原來佢哋係同學，仲大讚佢哋同樣顏值高企。