黃翠如晒「浴照」　蕭正楠升呢網友勁興奮

藝人黃翠如同老公蕭正楠（Edwin）早前一齊去馬來西亞檳城出席活動，Edwin仲幫老婆影咗唔少靚相，呢日黃翠如就公開咗一張由老公操刀嘅「浴照」，不過...係有着衫嘅。見佢瞓喺浴缸入面，Chok晒樣仲伸咗隻美腿出嚟，相當霸氣！佢留言：「太喜歡這個浴室了，忍不住拍照留念。這不知道是甚麼的Pose，要問一問我家那個攝影師。」原來呢個霸氣甫士係Edwin指導，黃翠如仲標註埋「名攝影師作品」，令網友興奮留言：「Edwin終於榮升做名攝影師啦！！❤️之前仲係名攝影師嘅徒弟喔?」不過亦有網友關心衛生問題，留言：「其實你對鞋乾唔乾淨？着住對鞋落浴缸，好唔衛生！」希望黃翠如下次留意番喇！