江嘉敏座駕突然爆胎　企馬路中心揮手求救

藝人江嘉敏原本今日要出席劇集《大醬園》宣傳活動，但因座駕突然爆胎而無奈缺席，她在網上平台說：「大個女，爆胎識自己call拖車，唔係凌晨已經平一半，仲好好彩附近有車房，今鋪當自己賺咗。」嘉敏接受訪問時表示今次已是第二次座駕爆胎，因此沒有上次般騰雞：「第一次嗰陣嚴重好多，成條車輪圈變晒形，要企馬路中心揮手求救，今次係小兒科，係揸車嗰陣開咗窗，爆胎嗰吓都幾大聲，嚇咗一跳！不過都搞咗好耐，啲朋友教用個泵泵番氣就得，不過爆得太大個窿喇！（人有冇事？）冇事！冇撞到，開得唔快。」