方力申40歲生日大搞　老友帶單身靚女開P

藝人錢嘉樂、袁偉豪、黃智雯及蝦頭楊詩敏等合演舞台劇《今晚打老虎》今晚尾場，嘉樂太太湯盈盈帶同兩名女兒、兄長錢小豪特意前來捧場支持，而一眾圈中人包括梁漢文、方力申、胡定欣、高海寧、王君韾、趙希洛、吳若希、胡鴻鈞等亦紛紛現身，場面熱鬧。

梁漢文與方力申於會場樓下碰上，梁漢文難忘舞台劇導演潘嘉德，當年邀他第一次出任男主角，拍攝電視劇《廟街．媽．兄弟》。他透露正籌備開入行30周年演唱會：「已申請好今年年底紅館開騷，而ViuTV劇集《假設性無罪》亦有計畫原班人馬拍攝新故仔，約咗台前幕後農曆年相聚，或者到時會傾吓。」

屬猴的方力申盼鼠年一切順利，2月將踏入40歲的他笑謂：「本嚟唔諗住大搞，但係身邊十幾位好兄弟話每人帶位單身女性嚟我個生日派對，咁就要搞嘞。（有乜擇偶條件？）唔係我揀人，係人揀我，但女仔最緊要脾氣好，脾氣唔好幾靚都冇用！」