未結到婚！盧頌恩自嘲差一樣嘢唔啱做老婆

香港開電視主持盧頌恩（妹頭）在粉嶺拍攝節目《30分鐘大放餸》，她指因主持節目而重拾廚藝：「細個小學、中學已經要煮一家人飯，但做嘢忙都好耐冇煮，因為拍節目跟得啲大廚多，重拾廚藝，仲提升到另一層次。（煮畀男友食？）都有，佢都想我煮多啲，佢食得開心，見到又好冧，關係又好啲。（閃婚？）有機會，煮多幾餐有機會，可能之前煮得唔夠多，覺得我唔適合做老婆，哈哈。」