過年冇節目！張曦雯諗住同男友打機

藝人張曦雯晚上到尖沙咀出席在無綫台慶頒獎禮，為奪得「最佳劇集」獎項《白色強人》舉行慶功宴。奪得「飛躍進步女藝員」的張曦雯說：「本來諗住同馬國明一齊夾份，點知佢話佢請，咁唯有下一次再請，一定有機會。（攞獎點慶祝？）屋企人唔喺香港，男朋友有送花畀，依家開緊劇，同張振朗開工一齊慶祝。」她指劇集稍後到緬甸拍攝外景，打算帶埋媽咪一齊同行。

講到農曆新年假期，她說：「我想返工，因為我屋企人唔係香港，男朋友又係外國人，除咗初一去婆婆屋企拜年，之後就冇節目，都係留喺屋企同男友打機。（婆婆會唔會催婚？）唔會，佢最開心係見到我攞獎，佢係無綫劇集嘅Fans，所以台上都有多謝佢。（點樣獎勵自己？）冇喎，一向對自己不薄，都幾捨得使錢，可能會請男友食飯，因為開工都少時間見，多謝佢容忍到我嘅工作嘅時間表。」