尾禡犒賞員工！隋棠Deep V露背勁誘人

台灣藝人隋棠身為時裝品牌老闆，嚟到年尾當然要跟傳統辦尾禡，好好犒賞員工一年嚟嘅努力，員工們除咗大飽口福之外，仲可以大飽眼福！當日隋棠着咗件Deep V長裙現身，驕人上圍若隱若現極為誘人，轉身更令人驚喜，大露背嘅設計令佢一次騷晒白滑美背同小蠻腰，性感度爆燈。網友都大讚佢係仙女下凡，更有男網民指做到佢嘅員工認真三生有幸，不過隋棠就話唔好意思，佢公司冇請男性員工，咁男士們惟有喺網上睇相啦！