24歲張可盈未拍過拖　羅思雅揚言介紹高富帥

亞洲小姐香港區冠軍兼總決賽亞軍羅思雅去年甩拖，揚言恨桃花的她，但見總決賽獲「最佳完美體態獎」現年24歲的張可盈連拖都未拍過，故笑言會先介紹「高富帥」給對方，認真夠老友。

張可盈尷尬地說：「係，未拍過拖，可能自己生得高（175cm），香港好難識男仔，中學又讀女校，所以好少接觸男仔。」聞羅思雅會介紹高富帥，她笑言：「高得喇！最難呢樣。」她們趁新年應節，約同其他亞姐一起寫揮春，張可盈自創「有車有屋」又圖又字的揮春，而羅思雅就寫「心想事成」。兩人當然少不了拿着桃花沾旺氣，羅思雅說：「大半年前同男友分咗手，今年想專注事業，遲啲先諗拍拖，要事業都要事業線呀！（係咪好想拍劇？）想呀，仲好想唱劇集主題曲。」張可盈就表示希望向主持方面發展，望有機會大騷擅長的拉丁舞。