最強小三變風塵女子！于淼犧牲色相慘被施暴

女星于淼喺《多功能老婆》中飾演嘅最強小三，都算惡得耐！但呢股「霸氣」未有延續到新劇《大醬園》中！飾演軍長袁文傑太太嘅佢，曾係風塵女子，喺最新一集中于淼要犧牲色相兼受皮肉之苦！劇情講到于淼向另一位軍長落毒，被揭發後遭對方施暴，被男方推落床，又被捏頸、拉開衣衫兼被打！幸好喺關鍵一刻，袁文傑趕到英雄救美，最後用槍射死對方。